“Qarabağ”ın UEFA Avropa Liqasının qrup mərhələsindəki rəqiblərindən olan Yunanıstanın “Olimpiakos” klubu baş məşqçisi Karlos Korberanla yollarını ayırıb.
Pirey təmsilçisinin rəsmi saytı xəbər verir ki, 39 yaşlı mütəxəssis “Aris”ə səfərdə 1:2 hesabı ilə uduzduqları V tur oyunundan sonra istefaya göndərilib.
Qeyd edək ki, ispaniyalı baş məşqçi avqustun 2-də bu posta təyin olunub. “Qarabağ” “Olimpiakos”a qarşı ilk oyununu oktyabrın 6-da səfərdə, növbəti görüşünü isə bundan bir həftə sonra Bakıda keçirəcək.
