Baham adalarında hökm sürən “Dorian” qasırğası səbəbindən ölənlərin sayı durmadan artır.
“Qafqazinfo” “İnterfaks”a istinadən xəbər verir ki, qasırğa azı 50 nəfərin həyatına son qoyub. Qurbanların sayı arta bilər. Belə ki, bir çox sakin itkin düşmüş hesab edilir.
Adalarda 13 minə yaxın bina zədələnib və ya sökülüb, böyük ərazi su altında qalıb.
Daha çox Böyük Bahama adasının zərər çəkdiyi bildirilir. Ölkə əhalisinin əsas hissəsi orada yaşayır.
