Növbəti ili qarşılamağa sayılı günlər qalıb. Bir çox vətəndaşı düşündürən sual isə təbii qazın limitinin hesablanmasıdır. Vaxt azaldığından , evlərində mexaniki qaz sayğacı olan əksər abonentlər, limitin hesablanmasının gecikəcəyindən narahatdırlar. “Azəriqaz” İstehsalat Birliyi isə narahatçılığa heç bir əsasın olmadığını bildirir. Təbii qaz üçün ayrılan illik limitin monitorinqi dekabrın sonuna qədər yekunlaşacaq. Yeni ilin ilk günündən limit sıfırlanacaq.
Yeni ilin ilk günündən etibarən təbii qazın illik limiti sıfırlanacaq. Smart İTRON məişət qaz sayğaclarında bu limit avtomatik qaydada hesablandığı halda mexaniki qaz sayğaclarında “Azəriqaz” İstehsalat Birliyinin əməkdaşlarının monitorinqi ilə müəyyənləşdirilir.
“Azəriqaz” İstehsalat Birliyindən bildiirlib ki,mexaniki qaz sayğaclarında limitlərin hesablanmasına yeni ilin ilk iş günündən başlanılacaq. Mexaniki sayğaclarda hesabat dövrü hər ayın 5-dən digər ayın 5-nə qədər olan müddəti əhatə edir. Birliyin əməkdaşları sayğacın göstəricilərinə baxmalı və qeydiyyat prosesini aparmalıdırlar.Bu işə isə yeni ilin ilk iş günündən başlanılacaq.
“Azəriqaz” İstehsalat Birliyinin mətbuat katibi Ceyhun Səfərovun sözlərinə görə, mexaniki sayğaclarda limitlər növbəti ayın 10-na qədər hesablanıb yekunlaşacaq. Növbəti illik limitdə də məhz son hesablanan gündən müyyənləşəcək.Bununl ayanaşı qurumun rəsmisi onu da bildirdi ki,electron sayğaclarda karta edilən mədaxilin hansı tarixdə əlavə edilməsinin limitiə heçbir fərqi yoxdur.
Qeyd edək ki, smart-kart tipi sayğaclardan istifadə edən 1 milyon 200 minə yaxın abonent mövcuddur. Digər abonentlər mexaniki sayğacdan istifadə edirlər.
