Qobustan rayonunun Təklə kəndindəki evlərin birindən 15 000 manat dəyərində qızıl-zinət əşyalarının oğurlanması barədə polisə məlumat daxil olub.
Bu barədə Oxu.Az-a Daxili İşlər Nazirliyindən məlumat verilib.
Qobustan Rayon Polis Şöbəsi əməkdaşlarının keçirdikləri əməliyyat tədbirləri nəticəsində oğurluq əməlində şübhəli bilinən ev sahibinin qohumu Burcalı Hacıyev müəyyən olunaraq saxlanılıb.
Faktla bağlı araşdırma aparılır.
