Rusiyanın Çuvaşiya Respublikasının daha bir sakinində Sibir xorası (Sibir yarası) xəstəliyinin əlamətləri aşkarlanıb.
Bu barədə Regionun Səhiyyə Nazirliyindən məlumat verilib.
Xatırladaq ki, bundan əvvəl respublikanın Tsivilski dairəsinin Staroye Aktaşevo kəndində iki yoluxmuş şəxs aşkar edilib, orada karantin tətbiq olunub. Simptomlar birinci hadisənin təmasları üzərində aparılan yoxlamanın bir hissəsi kimi müəyyən edilib.
Epidemiologiya və Mikrobiologiya Elmi-Tədqiqat Mərkəzindən bildirilib ki, qarayara epidemiyası təhlükəsi yoxdur:
“Bu xəstəlik insandan insana çox çətinliklə keçir. İnsanlar arasında qarayara epidemiyası olmur. Onlar adətən inəklərdən, xəstə heyvanlardan yoluxurlar”.
Mənbə: NEWS.ru
