Məlumatlı mənbələr Səudiyyə Ərəbistanının şənbə günü İranın İsrailə hücumlarının qarşısını almaqda iştirakını təkzib edib.
xəbər verir ki, bu barədə “Al-Arabia” məlumat yayıb.
Qeyd edək ki, İsrail mətbuatı Səudiyyə Ərəbistanının rəsmi saytına istinad edərək, Krallığın İranın hücumlarına qarşı mübarizə aparan müdafiə koalisiyasında iştirak etdiyini bildirib.
Mənbələr “Al Arabiya”ya bildiriblər ki, Səudiyyə Ərəbistanının iştirakı ilə bağlı heç bir rəsmi açıqlama verilməyib.
***
Saat 18:57
Səudiyyə Ərəbistanı İranın İsrailə qarşı hücumunu dəf etmək üçün yeni yaradılmış regional hərbi koalisiyaya – İsrail, ABŞ, İordaniya, Böyük Britaniya və Fransaya kömək etdiyini etiraf edib.
“Jerusalem Post”a istinadən xəbər verir ki, bu barədə Səudiyyə Ərəbistanı Kral ailəsi ilə bağlı məlumatların dərc olunduğu internet səhifəsindəki yazıda bildirilib.
Yazıda qeyd edilir ki, bir çox pilotsuz təyyarə və raketlər İsrailə çatmaq üçün İordaniya və Səudiyyə Ərəbistanının hava məkanını keçməli olub.
İordaniya İranın hava hücumlarının zərərsizləşdirilməsində iştirakı ilə bağlı ictimaiyyətə açıq olsa da, Səudiyyə Ərəbistanı bunun Kral ailəsindən olan bir mənbənin “KAN”a söylədiklərini ümumiləşdirərək veb saytında yerləşdirdiyi yazıda etiraf edib.
“Səudiyyə Ərəbistanı Kral ailəsindən olan və anonimliyə üstünlük verən mənbə “KAN” ictimai yayımçısına danışıb. Şəxs Səudiyyə Ərəbistanının 13 apreldə İsrailə uçan İranın hücum xarakterli PUA-larının qarşısını almaqda ehtimal olunan iştirakını incə şəkildə etiraf edir və Səudiyyə Ərəbistanının hava məkanının avtomatik olaraq “hər hansı şübhəli obyekti” ələ keçirdiyini əsas gətirib.
Eyni fiqur İranı Qəzzada qarşıdurmanı qızışdırmaqda günahlandırır. “KAN”ın xəbərinə görə, İsraillə münasibətlərin normallaşdırılması istiqamətində əldə edilmiş irəliləyişi aradan qaldırmaq üçün qəsdən edilmiş cəhddir.
Rəsminin sözlərinə görə, İran terrorizmi dəstəkləyən bir ölkədir və dünya bunu daha əvvəl məhdudlaşdırmalı idi”.
