Heyva insan sağlamlığı üçün çoxlu faydalara malikdir.
“Qafqazinfo” xarici KİV-ə istinadən xəbər verir ki, A, B, C vitaminləri və kaliumla zəngin olması heyvanın nə qədər faydalı olduğunu ortaya qoyur.
Onun tərkibində 84% su və 15% karbohidrat var. Yağ və zülal nisbəti çox aşağı olduğu üçün sağlamlıq baxımından ideal meyvə sayılır.
Heyva yemək dəri sağlamlığına müsbət təsir göstərir. Dərinin suya olan ehtiyacını ödəyir, onu nəmləndirir və cavanlaşdırır.
Həmçinin, xəstəliklərə qarşı təbii yolla şəfa axtaranlar gündəlik olaraq heyva yeyə bilərlər. Çünki heyvanın tərkibindəki mineral və vitaminlər xəstəliklərə qarşı mübarizə aparır.
