Mənim bu günki məqalənin qəhrəmanı hamınızın sevdiyi rollarını sevə- sevə izlədiyimiz Xalq artisti və Azərbaycan Respublikasının Prezidentinin fərdi təqaüdçüsü Fatma xanım Mahmudovadır. Öncə onu deyim ki, Fatma xanımı mən uşaqlıqdan izləmişəm. O zamanlar “Piriverdinin xoruzu” adlı komediya janrında filmdə Həlimə obrazını canlandıran məhz Fatma Mahmudova olub. Uşaq vaxtlarından incəsənətə böyük həvəsim olduğu üçün filmlərə baxırdım. ATV kanalında “Bacanaqlar” adlı serialda Bəsti obrazını canlandırıb. Hətta orda dediyi sözlərin bəziləri hələ də yadımdadır. Fatma xanımın yaradıcılığı təkcə bu sadaladığlarımla bitmir. “Hərənin öz payı və öz tayın”da Mayılın anası Gülxanım, “Bakı Moskva qatarı”nda Sadıqın anası, “ Bəylik dərsin”də, “Məşədi İbad 94” və.s. filmlərində müxtəlif obrazları canlandırıb. Fatma Mahmudova təkcə filmlərimiz də deyil Azərbaycanın teatr sahəsində də müxtəlif obrazları canlandırıb və onlara gözəllik qatıb. 1968-1993 cü illərdə Ağdam teatrında çalışsa da taleh onu 1994 – cü ildə o vaxtları Azərbaycan Dövlət Musiqili komediya teatrında aktrisa kimi çalışmağına və məhz bu teatrın səhnəsində müxtəlif obrazları canlandırmasını nəsib edib. Fatma xanımın “Bankir adaxlı”da ağucu Gülbikə obrazı, “Baladadaşın toy hamamı” əsərində, “Fərzəli kef komda” -Fərzəlinin həyat yoldaşı, “Adamın adamında”- At Balaxanım, “Şeytanın yubileyində”- Məryəm, “Bir günlük siğə”də- Adilə Dudu, “Məsmə xala dayımdır” da – Əsmər və.s. tamaşalarda obrazları canlandırıb. Fatma xanımı tanıyanlarda tanımayanlara da sənətkarımızı tanıtmağı özümə borc bildim. İndi isə keçək Fatma xanımla olan söhbətimizə. Öncə onu deyim ki, gözəlliyi və səsi ilə hər zaman səhnəmizin bəzəyən, oynadığı obrazlarla üzümüzü güldürən xanımın bu dəfə üzünün gülmədiyini görmək və sözün əsl mənasında çətinliklə danışdığını görmək məni çox üzdü. Düzünü desəm məni məhz Fatma xanımın evinə aparan əməkdar artist Nahidə Orucova oldu. Nahidə xanımla söhbətimiz zamanı mənə dedi ki Fatma xanıma baş çəkməyə gedəcəm gəl birlikdə gedək. Məndə sevimli aktrisamızı yaxından görmək onunla həmsöhbət olmaq üçün onunla getdim. Fatma xanım özü bizi qarşılaya bilməsədə qızları bizi çox xoş qarşıladı. Fatma xanımı görmək məni nə qədər sevindirdisə onun bu halı məni bir o qədər də üzdü. Çünki mən həmişə bu xanımı səhnədə görmüşəm. Amma onu yataqda görməyə düzünü desəm alışmamışam. O, gəldiyimiz üçün bizə təşəkkür etdi. Söhbət əsnasında ona zəng edənlərə xüsusilə də çalışdığı teatrın direktoru Əliqismət Lalayevə və teatrın kollektivinə onunla maraqlandığını və gəlib baş çəkdiklərinə görə öz minnətdarlığımı bildirirdi. Sağolsun teatrımızın direktoru Əliqismət müəllim mənə zəng vurur halımı soruşur. Nəyə ehtiyacım olub olmadığını soruşur. Məni ruhlandırır deyir ki, ayağa qalx gəl yeni tamaşalarda yeni obrazları oyna.Mən ona çox minnətdaram. Hətta sənət yoldaşlarınıda unutmadı həmkarları aktrisa əməkdar artist Kübra Əliyeva, əməkdar artist Əkbər Əlizadə, Əməkdar artist Ələkbər Əliyev, əməkdar artist Nahidə Orucova və aparıcı Lalə Azərtaşın ona zəng vurduğunu müğənni əməkdar artist Mətanət İsgəndərlinin evinə gəlib ona baş çəkdiyinidə bildirdi. Mən onlara təşəkkür edirəm dedi. O qeyd etdi ki Xəzər TV nin rəhbəri Xalq artisti Murad Dadaşov və aktyor Elməddində hər gün mənə zəng vurur hətta gəlib baş çəkir. Elməddin mənim təkcə serialda yox həyatda da oğlumdur mən onu çox istəyirəm sağolsun həm zəng vurur həmdə gəlib mənə baş çəkir. Bir sənətkara bundan artıq nə lazımdır ki…… Gələnlərdə sağolsun gəlməyənlər də…. Məni üzən məqam isə o oldu ki, o bir dəfədə demədi ki Mədəniyyət Nazirliyindən mənə kimsə zəng vurub yada baş çəkib . Söhbət əsnasında onuda dedi ki yəqinki cənab nazirimizin mənim vəziyyətimdən xəbəri yoxdur. Xəbəri olsaydı belə laqeyd yanaşmazdı. Çünki hər zaman mənim sənətimə və özümə ölkə başçısı İlham Əliyev və mədəniyyət nazirimiz tərəfindən qiymət verilib. Hətta onuda qeyd etdi ki istərdim mən və mənim kimi sənətkarlarla daima maraqlansınlar hal əhval tutsunlar. Axı biz yaşlı nəsil sənətkarları bu xalqa və mədəniyyətə xidmət etmişik. Bu an mənim yadıma xalq şairi Cabir Novruzun “ Sağlığında qiymət verin insanlara” adlı şeri düşdü . Şairimiz dediyi sözlərində haqlıdır biz gərək hər kəsə sağlığında qiymət verək. Məndə ümid edirəm ki, adını çəkdiyim qurum bundan sonra Fatma xanımla yaxından maraqlanacaq. Axı hələ heçdə gec deyil…. Gəlin sağlığında sənətkarlarımıza dəyər verək ki, itirdiyimiz zaman üzülməyək. Sonra hər şey gec olacaq.
Nəzərinizə çatdırım ki Fatma xanım 2025 ci il yanvar ayında beyin insultu keçirib.
Fatma xanım əzizim sizə isə Allahdan can sağlığı və uzun ömür arzulayıram. İnşallah ayağa qalxıb yenidən səhnəmizin o gözəl gülər üzünüzlə və səsinizlə, oynadığınız gözəl obrazlarla bəzəyəsiz.
Yazar: Ənvər Məmmədov
