34 NƏFƏR PREZİDENTƏ MÜRACİƏT ETDİ. Müraciətdə deyilir:
Azərbaycan Respublikasının Prezidenti İlham Əliyev cənablarına,
Surəti KİV-nə,
Bakı şəhəri, Mətbuat prospekti, 529-cu məhəllə, “Azərbaycan nəşriyyatında” fəaliyyət göstərən bir sıra media rəhbərləri, QHT nümayəndələri və ictiami fəallar tərəfindən.
Təşkilatçı: Subut Mehtiyev, QHT nümayəndəsi. Tel: 070-209-04-30
Müraciət
Hörmətli cənab Prezident!
Bir daha xatırlatmaq istəyirik ki, 2022-ci il dekabrın 3-də və 7-də Rusiya sülhməramlı kontingentinin komandanlığı ilə aparılmış müzakirələrin nəticəsi olaraq İqtisadiyyat Nazirliyi, Ekologiya və Təbii Sərvətlər Nazirliyi, İqtisadiyyat Nazirliyi yanında Əmlak Məsələləri Dövlət Xidməti və “AzerGold” Qapalı Səhmdar Cəmiyyətinin mütəxəssislərindən ibarət heyət Ermənipərəst “Rusiya sülhməramlı” kontingentinin müvəqqəti yerləşdiyi Azərbaycan ərazilərində faydalı qazıntı yataqlarının qanunsuz istismarı, bundan irəli gələn ekoloji və digər fəsadlarla bağlı ilkin monitorinq aparmalı idi. Lakin “sülhməramlıların” ermənipərəstliyi ucbatından monitorinq baş tutmayıb. Buna görə də Şuşa ərazisində ermənipərəst “Rusiya sülhməramlılarının” nəzarətində olan yolun bir hissəsində azərbaycanlı ictimai fəalların və ekologiya üzrə qeyri-hökumət təşkilatlarının üzvləri tərəfindən Qarabağ iqtisadi rayonunda ekoloji terrora son qoyulması tələbi ilə etiraz aksiyası keçirilir. Bildiririk ki, Ermənipərəst “Rusiya sülhməramlılarının” müvəqqəti nəzarətində olan Şuşa-Xankəndi yolunda QHT nümayəndələri, ekofəallar və könüllülərin iştirakı ilə keçirilən etiraz aksiyası bir neçə gündür davam edir.Əminik ki, aksiya bizim istəklərimizin yerinə yetirilməsi ilə nəticələnəcək.
Sizdən xahiş edirik, aşağıda imza edən 34 nəfərdən ibarət sayt rəhbərlərinin, QHT nümayəndələrinin, ictimai fəalların etiraz aksiyalarına qoşulmalarına şərait yaradılmasına icazə verəsiniz. Tələblərimiz yerinə yetirilənə qədər aksiyaları davam etdirməyi özümüzə borc bilirik.
Hörmətli Media rəhbərləri bizim müraciətimizin mənsub olduğunuz mediada yayımlanmasına köməklik etməyinizi xahiş edirik.
Müraciət edənlərin sayı çoxdur.
