Ölkənin strateji valyuta ehtiyatları 2023-cü ilin 11 ayında 16.6% artaraq 68.2 mlrd. ABŞ dollarına çatıb.
“-Economics” xəbər verir ki, bu barədə Azərbaycan Mərkəzi Bankının pul siyasətinin əsas istiqamətləri barədə Bəyanatında bildirilib.
Belə ki, ilin 11 ayında xarici ticarət balansında 15.7 mlrd. ABŞ dolları məbləğində müsbət saldo yaranıb. 2023-cü ilin 9 ayı üzrə cari əməliyyatlar hesabının profisiti 6.7 mlrd. ABŞ dolları və ya ümumi daxili məhsulun (ÜDM) 12.5%-i səviyyəsində olub. 2023-cü ildə tədiyə balansının başlıca komponenti olan xarici ticarət balansı profisitli olub. Profisitli tədiyə balansı şəraitində isə strateji valyuta ehtiyatları artıb.
