Sumqayıt şəhərində dahi Azərbaycan şairi Nizami Gəncəvinin heykəli sökülüb.
Müstəqil.Az Oxu.Az-a istinadla xəbər verir ki, şəhər bazarının yaxınlığında yerləşən heykəl bir neçə gündür yerindən götürülüb.
Sumqayıt Şəhər İcra Hakimiyyətinin mətbuat katibi Eyvaz Qocayev Oxu.Az-a bildirib ki, şairin heykəli adına layiq yerə köçürülür.
“Nizami Gəncəvinin heykəli şəhərdə yeni tikilmiş “Nizami” kinoteatırının qarşısında ucaldılacaq. Bunun üçün işlər artıq tamamlanmaq üzrədir”, – E.Qocayev deyib.
