Sumqayıt şəhəri, 22-ci məhəllədə yerləşən yataqxana binasında baş vermiş yanğın Fövqəladə Hallar Nazirliyinin qüvvələri tərəfindən söndürülüb.
Bu barədə -ya Fövqəladə Hallar Nazirliyinin mətbuat xidmətindən bildirilib.
***
01.16
Yanğın baş verən yataqxanada 11 ailə məskunlaşıb. Onlardan 7-si Qubadlı, ikisi Cəbrayıl, ikisi isə Laçın rayonundandır.
Qaçqınların və Məcburi Köçkünlərin İşləri üzrə Dövlət Komitəsinin Regional İdarəetmə Şöbəsinin müdiri Sənan Hüseynov məlumat verib.
**
00.58
Sumqayıt şəhəri, 22-ci məhəllədə yerləşən yataqxana binasında baş vermiş yanğın Fövqəladə Hallar Nazirliyinin qüvvələri tərəfindən görülmüş zəruri və təxirəsalınmaz tədbirlər sayəsində məhdudlaşdırılıb.
Fövqəladə Hallar Nazirliyinin mətbuat xidmətinə istinadla xəbər verir ki, hazırda yanğının tam söndürülməsi istiqamətində əməliyyat davam etdirilir.
Əlavə məlumat veriləcək.
***
00.56
17.01.2023-cü il tarixində saat 22:50 radələrində Sumqayıt Dövlət Texniki Kollecin yataqxanasında başlayan yanğınla əlaqədar Sumqayıt Tibb Mərkəzinin Təcili Tibbi Yardım Stansiyasının dərhal 3 briqadası hadisə yerinə cəlb edilib.
Bu barədə -ya Sumqayıt Tibb Mərkəzindən bildirilib.
1954-cü il təvəllüdlü şəxs (kişi cinsli) “Digər qazların toksiki təsiri” diaqnozu ilə orta ağır vəziyyətdə hospitalizasiya olunub.
1981-ci il təvəllüdlü (kişi cinsli) və 1961-ci il təvəllüdlü (qadın cinsli) şəxslərə “Digər qazların toksiki təsiri” diaqnozu ilə yerində yardım olunub. Durumları kafidir.
2 nəfər qadına isə “Stresə qarşı kəskin reaksiya” diaqnozu ilə yerində yardım olunub.
Briqadalar hazırda hadisə yerindədir.
***
00.35
Sumqayıtda baş verən yanğında 4 nəfər tüstüdən zəhərlənib.
Bu barədə -nın hadisə yerində olan müxbiri xəbər verir.
***
00.30
Yanvarın 17-də Sumqayıt şəhəri, 22-ci məhəllədə yerləşən yataqxana binasında yanğın baş verib.
Qaçqınların və Məcburi Köçkünlərin İşləri üzrə Dövlət Komitəsindən -nın sorğusuna cavab olaraq bildirilib ki, qurumun nümayəndələri hadisə yerindədir.
***
00.19
Fövqəladə Hallar Nazirliyinin qüvvələri tərəfindən Sumqayıt şəhəri, 22-ci məhəllədə yerləşən yataqxana binasında baş vermiş yanğınla mübarizə tədbirləri davam etdirilir.
Fövqəladə Hallar Nazirliyinin mətbuat xidmətinə istinadla xəbər verir ki, həyata keçirilmiş zəruri və təxirəsalınmaz tədbirlər sayəsində yanğının binanın ikinci korpusuna keçməsinin qarşısı alınıb.
FHN qüvvələri tərəfindən təhlükəsizlik tədbirləri çərçivəsində bina sakinlərinin təxliyəsi həyata keçirilib.
Əlavə məlumat veriləcək.
***
23.40
Fövqəladə Hallar Nazirliyinin “112” qaynar telefon xəttinə Sumqayıt şəhəri, 22-ci məhəllədə yerləşən yataqxana binasında yanğın baş verməsi barədə ilkin məlumat daxil olub.
Fövqəladə Hallar Nazirliyinin mətbuat xidmətinə istinadla xəbər verir ki, məlumatla əlaqədar dərhal əraziyə FHN Dövlət Yanğından Mühafizə Xidməti və Sumqayıt Regional Mərkəzinin qüvvələri cəlb olunub.
Hazırda yanğınla mübarizə tədbirləri davam etdirilir.
Əlavə məlumat veriləcək.
***
23.33
Sumqayıtda Texniki Kollecin yataqxanası yanır.
xəbər verir ki, hazırda Fövqəladə Hallar Nazirliyinin Dövlət Yanğından Mühafizə Xidmətinin canlı qüvvəsi və texnikası hadisə yerinə cəlb edilib.
FHN-in mətbuat xidmətindən -nın sorğusuna cavab olaraq bildirilib ki, hazırda yanğının söndürülməsi istiqamətində işlər görülür.
Yataqxanada məcburi köçkünlərin məskunlaşdığı bildirilir. Hazırda sakinlər təxliyə edilib.
Xədicə Səxavət
