Təl-Əvivin mərkəzində axşam saatlarında atışma baş verib.
Məlumata görə, insident zamanı bir nəfər ağır yaralanıb.
İsrail təcili yardım xidmətinin mətbuat xidmətindən bildirilib ki, yaralı 40 yaşlı kişi olub. O, təcili olaraq Təl-Əvivdəki xəstəxanaya aparılıb, lakin həkimlər zərərçəkənin həyatını xilas edə bilməyiblər.
Qeyd olunub ki, hadisə şəhərin tam mərkəzində, Montefiore küçəsində yaşanıb.
İsrail polisinin mətbuat xidmətindən bildirilib ki, atəş açan şəxs artıq zərərsizləşdirilib.
Mənbə: TASS
