“Maşınlardan qara tüstü çıxması yanacağın keyfiyyəti ilə bağlıdır”.
“Qafqazinfo” xəbər verir ki, bu fikirləri ekologiya və təbii sərvətlər nazirinin müşaviri Rasim Səttarzadə Milli Məclisin Təbii ehtiyatlar, energetika və ekologiya komitəsinin iclasında bildirib.
Müşavir qeyd edib ki, Azərbaycanda ekoloji qanunvericilik 100 % icra olunmur: “Bunu ətrafa baxanda da görə bilərik. Qanunların həyata keçirilməsinə nəzarət tədbirləri çərçivəsində deyə bilərəm ki, buna külli miqdarda maliyyə və zaman lazımdır. Məsələn Xəzər dənizinin tullantı sularından danışsaq… Şəhərdə formalaşan tullantı sularının 60 faizi təmizləyici qurğulara yönləndirilir. Yerdə qalanları tənzimləmə prosesindən keçməyərək ətraf mühit və ya dənizə axıdılır”.
Zaur Mirzə
