Türkiyə və Ermənistan arasında münasibətlərin normallaşması istiqamətində proseslər davam edir.
“Qafqazinfo” xəbər verir ki, bu barədə TRT Haber diplomatik mənbələrinə istinadən bildirib.
Məlumata görə, İstanbul və İrəvan arasında 2022-ci il fevralın 2-də başladılan birbaşa uçuşlar davam etdirilir. İki ölkə sakinlərinin artıq rahat şəkildə səfər etdikləri vurğulanır.
Bildirilir ki, iki ölkə arasında internet əlaqələri də qurulub: “Əvvəllər Türkiyə vətəndaşları Ermənistana səfər üçün vizanı Tbilisi vasitəsilə alırdılar. Buna səbəb isə Ermənistanla əlaqələrin olmaması idi. Əvvəllər Ermənistanda internet bütün Türkiyə üçün bağlı idi. İndi artıq iki ölkə arasında internet əlaqəsi bərpa edilib və açıqdır. Konsulluq işləri də çox yaxşı irəliləyir”.
