“Türkiyə Rusiya-Ukrayna gərginliyinə son qoymaq üçün əlindən gələni edəcək”. Bu barədə Türkiyə prezidenti Rəcəb Tayyip Ərdoğan Ukrayna prezidenti Volodimir Zelenski ilə görüşdən sonra keçirilən mətbuat konfransında deyib.
“Mən iki ildən sonra strateji tərəfdaşımız Ukraynaya yenidən səfər etməkdən qürur duyuram. Ukraynanın suverenliyi və ərazi bütövlüyünü dəstəklədiyimizi bir daha bəyan etmək istəyirəm. İnanıram ki, biz hər sahədə ikitərəfli əməkdaşlığımızı gücləndirəcəyik”, – Türkiyə lideri qeyd edib.
Ərdoğan bu gün imzalanan azad ticarət sazişindən də danışıb: “10 milyard dollarlıq ticarət həcmi hədəfini qiymətləndirdik. İnanıram ki, razılaşma bizi tez bir zamanda bu məqsədə aparacaq”.
Müstəqil.Az
