Türkiyə Xarici İşlər Nazirliyi vətəndaşlarına məcburi hallar istisna olmaqla, İraqın paytaxtı Bağdada səfər etməmələri barədə xəbərdarlıq edib:
“Bağdadda təhlükəsizlik vəziyyətinin pisləşməyə başladığını nəzərə alaraq, vətəndaşlarımıza məcburi hallar istisna olmaqla, yuxarıda adı çəkilən şəhərə səfərdən çəkinmələri tövsiyə olunur.
Hazırda İraqda olan vətəndaşlarımızın Bağdadda kütləvi nümayişlərin keçirildiyi yerlərdən uzaq durmaları, nazirliyimiz və Bağdaddakı səfirliyimiz tərəfindən edilən əlavə xəbərdarlıq və elanlara əməl etmələri, şəxsi təhlükəsizlikləri üçün ayıq olmaları faydalıdır”.
Mənbə: TRT Haber
