Fransalı funksioner korrupsiya araşdırmaları çərçivəsində saxlanılıb
UEFA-nın sabiq prezidenti Mişel Platini həbs olunub.
Fransalı funksioner 2022-ci ildə Qətərdə keçiriləcək dünya çempionatı ilə bağlı korrupsiya araşdırmaları çərçivəsində Parisdə saxlanılıb. O, hazırda Nanterra polis şöbəsində göz altındadır. Platini 2010-cu ildə reallaşan səsvermənin nəticələrinin mümkün saxtalaşdırılması prosesində iştirakda şübhəli bilinir.
Xatırladaq ki, Mişel Platini UEFA-ya 2007-2015-ci illərdə rəhbərlik edib.
2015-ci il oktyabrın 8-də FİFA Etika Komitəsinin Arbitraj Palatası onu 90 gün müddətinə vəzifəsindən kənarlaşdırıb. Dekabrın 21-də isə Platini 8 il müddətinə diskvalifikasiyaya məruz qalıb. Lakin 2016-cı ilin mayında cəza 4 ilə enib.
