Müstəqil.az dünyanın nüfuzlu və məşhur ulduz falları portalları “Horoscope” və “Astrology”yə istinadən bu günün qoroskopunu təqdim edir.
Qoç – özünüzlə müqayisədə başqaları üçün daha çox işləməli olacaqsınız. Kim və ya nə isə səbrinizi sınağa çəkəcək. Səbrli olun, təmkinli davranın. Soyuqqanlı olsanız, bunun bəhrəsini tezliklə görəcəksiniz.
Ev işlərini qulaqardına vurmayın.
Başladığınız işi yarımçıq qoymayın, onu başa vuranadək çalışın. Yalnız intellektual yox, fiziki işləri də görün. Özünüzü daha əmin və qətiyyətli hiss etmək üçün yaxın ətrafınızda qayda yaradın, yaşam arealınızı nizama salın.
Kiçik təmirlə məşğul olun. Səliqəyə nail olun.
Buğa – perspektivdə “stavka” edəcəyiniz ciddi işlərlə məşğul olun. Saatlar keçdikcə şərtlər dəyişə, situasiya kəskinləşə bilər. Bu səbəbdən də diqqəti əsas işə yönəldin, soyuqqanlı olun, təmkinli davranın.
Günün ikinci yarısında münasibətlərdə ciddi problem yarana bilər. Yeni məqsəd formalaşır. Hədəfə doğru qətiyyətlə irəliləyin, vaxtı boş işlərə və puç arzulara sərf etməyin. Fiziki işlərdə xeyir var.
Axşam saatlarını ailəyə həsr edin. Yaxşı tanıdığınız insanlarla birlikdə istirahət edin.
Əkizlər – qarışıq, amma perspektivlər vəd edən gündür. Heç bir yerə tələsməyin, başladığınız işi başa vurun. Səliqə ilə, aramla çalışın. Ətrafınızdakı insanların bir neçəsi qıcıqlandıra bilər. Fəqət, indi münasibətləri daha da sərinləşdirməyin, səbrli olun. Dözüm bir çox problemlərin avtomatik həlli deməkdir.
Müəyyən mövzunun sizdən planlaşdırdığınızdan daha çox vaxt və səy tələb edə bilər. Şərtlərin tələb etdiyi seçim sizi yeni, maraqlı yola apardığından adət etdiyiniz və sevdiyiniz bəzi ünsürlərdən imtina etməli olacaqsınız.
Asudə vaxtınızı istirahətə, alış-verişə sərf edin.
Stressdən qurtulmaq üçün gərgin durumda adekvat hərəkət edin.
Xərçəng – problemlər və çətinliklər sevdiyiniz insanla, ailə üzvləri ilə münasibətlərdə problem yaratmamalıdır. Əlavə işə başlamaq, sifariş götürmək olar. Yaxın ətrafınızdakı insanlardan birinin problemlərinin həllində yardımçı olun. Münaqişələr sizdən yan keçməzsə, ifrat səmimi olmayın, sirlərinizi açmayın. Tərəfdaş və ya iş yoldaşınızın əməyini sərt tənqid etməyin.
Problemi həll edin, kimlərinsə yaşamını, davranışını və ya mövqeyini dəyişməyə can atmayın.
Stress səviyyəsini aşağı salın. Maraqlı informasiya arayın, sorğulara cavab verin.
Şəxsi münasibətlərdə konkret yardım və qayğı sözlərdən daha üstündür.
Şir – xarici şərtlər və proseslər sizi daimi gərginlikdə saxlaya bilərlər. Səhhətinizin qeydinə qalın. Kiçik ağrıların orqanizm üçün ciddi problemə çevrilməsinə imkan verməyin.
Tək çalışmaq üçün əlverişli gündür. İş çoxdursa, onu başqaları ilə bölüşməyin yolunu tapın. İşi təfərrüatlı və ciddi şəkildə görün, tələskənliyə yol verməyin.
Yaxın ətrafınızdakı insanlardan biri sizdən kömək gözləyir. Dostunuzun yardımı isə sizə konkret fayda verməsə belə, həssas olun.
Günün ikinci yarısındakı tanışlıq ciddi deyil. Ailə üzvlərinin qayğısına qalın.
Sevdiyiniz insanın hissləri ilə oynamayın, onu küsdürməyin.
Qız – bütün fikrinizi şəxsi problemlərin həllinə yönəltsəniz, mühüm məsələ diqqətinizdən yayına bilər. Emosiyalar hərəkətlərinizə və qərarlarınıza təsir etməsin. Bunu hiss edən kimi dayanın. Başqasının hissləri hesabına özünüzü təsdiqləməyə çalışmayın.
Manipulyasiya etməyin, xırdaçı insan təsiri bağışlamayın.
Sonuca tam əmin deyilsinizsə, rəğbət bəslədiyiniz insanla görüşü və ya dostlarla bir araya gəlməyi təxirə salın. Əsəbləriniz tarıma çəkilə bilər.
Səhhətinizə diqqətlə yanaşın.
Hissləriniz və emosiyalarınızda “təmizlik” aparın, sinirlənməyin.
Tərəzi – baş verən hadisələr sizin təşkilatçılıq qabiliyyətiniz və bacarıqlarınızın sınağa çəkilməsidir. Olaylar sizdə təlaş yaratmasın. Planınızı reallaşdırmağa başlayın. Qətiyyətli olun, kiçik sədlər sizi qorxutmasın.
Başqasının işini ciddi-cəhdlə yoxlayaraq tənqidlərə başlasanız, münaqişə qaçılmazdır.
Şəxsi münasibətlərdə çətin, birmənalı olmayan dövrdür. Yalnız iş, ümumi qayğılar, problemlərin optimal həll yolları sizi tərəfdaşla və ya yaxın bildiyiniz insanla daha da yaxınlaşdıra bilər.
Hər kəs öz çətinliklərinin həlli ilə məşğul olduğu zaman qayğı, həssaslıq gözləməyin.
Əqrəb – əhvalın dəyişməsi, yaxın ətrafınızdakı insanlardan biri ilə münaqişə istisna deyil. Arzu etdiyiniz nəsnəni əldə etməkdə, məqsədə çatmaqda səbirsizlik etməyin. İnformasiyalar çoxdur. Qüvvələrinizi boş işlərə və puç hədəflərə sərf etməyin. Əsas işə, önəmli layihəyə yetərincə diqqət ayırın.
Uzunmüddətli situasiyaların təməli indi formalaşır. İşlək sxemləri möhkəmləndirin, konstruksiyanı böyüdün. Yaxın ətrafdakı insanlarla qarşılıqlı münasibətləri dramatikləşdirməyin. Mühüm hesab etdiyiniz informasiyanı nəzarətdə saxlayın. Şəxsi münasibətlərdə iddialı, aqressiv, hədsiz dərəcədə tələbkar olmayın.
Situativ problemləri ürəyinizə salmayın. İrəliyə, gələcəyə baxın.
Oxatan – plan və ideyalar çoxdur. Vaxt, resurs, informasiya qıtlığına rəğmən növbəti layihəyə başlayın. İşlərdə qayda yaradın. Təmirə ehtiyac duyan avadanlıq və qurğunu normal vəziyyətə gətirin. Vədlərə əməl edin, öhdəlikləri yerinə yetirin.
Münasibətlərdə gərginlik istisna deyil. Planlarınızın ziyanına olaraq sürəkli qaydada başqalarının işini yerinə yetirməyin. Emosional əks-səda, rəğbət izharı gözlədiyiniz görüşlər bu gün üçün deyil.
Tək işləsəniz, daha ciddi nəticələr əldə edə bilərsiniz.
Oğlaq – emosiyalar və hisslərin əsirinə çevrilsəniz, çətin situasiyaya düşə bilərsiniz. Hadisələrin axarını nəzərdən qaçırmayın. Diqqət mərkəzində olacaqsınız. Şəxsi həyatınızda dəyişikliklər ola bilər. Ehtiyatlı olun, istənilən məsələ ilə bağlı mövqeyinizi açıqlamağa tələsməyin. Ətrafınızdakı insanlarda qıcıq yaratmayın. Mübahisələr münaqişəyə, ambisiyalar izharına, iddiaların açıqlanmasına çevrilə bilər.
Situasiyanı başqa gözlə görməyə çalışın. Ümid və gözləntiləri dəyərləndirin.
Qətiyyətli olun, mövqelərinizdən sapmayın.
Axşam saatlarında səhhətinizə fikir verin, istirahət edin. Təmas dairəsini ənənəvi əlaqələrlə məhdudlaşdırın.
Dolça – situasiyanın ləng və asta şəkildə inkişaf etdiyini düşünə bilərsiniz. Lakin yeni informasiyalar yetərincədir. Məlumat və xəbərləri qəbul edin, biliklərinizi göstərməyin. Alınan məlumat əsasında çalışmağa tələsməyin.
Toplanan məlumatları, xəbərləri, bilik və təcrübəni təhlil edin, sistemləşdirin. Yeni, mühüm işə başlayın.
Səhhətinizə diqqətlə yanaşın. Həkim məsləhəti tələb edən simptomlar varsa, onları nəzərdən qaçırmayın.
Balıqlar – səylərinizi yönəldəcəyiniz istiqaməti müəyyənləşdirin. Yaxın gələcəkdə maksimum fayda əldə etmək üçün əsas fəaliyyət yönünü seçin. Yaxın ətrafınızdakı insanlar sizi nəyəsə razı salmağa çalışanda, güc və qüvvənizi, vaxt və səylərinizi tələb edən əmələ yönəltmək istəyəndə “yox” deməyi bacarın.
İlk əvvəl öz maraqlarınızı düşünün. Gərəksiz işə baş qoşduğunuzu, münaqişəli situasiyaya qarışdığınızı bilən kimi geri çəkilin.
Vədlərinizə əməl etməyə çalışın. Etibar etdiyiniz, birlikdə işlədiyiniz insanlardan dəstək almağa can atın.
Görüş, müzakirə, yazışma və söhbət yeni emosiyalar vəd edir. (Milli.Az)
