Ulduz Şokolad Fabriki Çin Xalq Respublikasının Şanxay şəhərində 16-18 may 2018-ci il tarixində keçirilən “Sial China 2018” Beynəlxalq Ərzaq Sərgisində ölkəmizi “Made in Azerbaijan” brendi ilə uğurla təmsil edib.
Bu haqda Müstəqil.Az-a “Veysəloğlu” Şirkətlər qrupunun ictimaiyyətlə əlaqələr şöbəsinin müdüri İlham Məmmədzadə məlumat verib.
Məlumatda bildirilir ki, Beynəlxalq Ərzaq Sərgisində Azərbaycanı təmsil edən stend ticarət yarmarkasında izləyicilərin böyük marağına səbəb olub. Fabrik sözügedən beynəlxalq sərgidə ölkəmizi qənnadı sektorunda öz sözünü demiş, raqabət qabiliyyətli keyfiyyətli yeni çeşid məhsullar ilə təmsil edir.
Dünyanın ən böyük ərzaq sərgilərindən hesab olunan “Sial China” Beynəlxalq Ərzaq Sərgisində iştirakçıların əksəriyyəti Azərbaycanın stendi qarşısında ayaq saxlayaraq məhsullarımız ilə yanaşı, ölkəmiz haqqında geniş məlumatlar əldə ediblər.
Qeyd edək ki, 2001-ci ildən fəaliyyətə başlamış Ulduz Şokolad Fabriki yerli bazarla yanaşı dünyanın 20-dən artıq ölkəsinə “Made in Azerbaijan” brendi ilə məhsul ixrac edir.
Müstəqil.Az
