22 yanvar 2025- ci il, 14:00- da Mirvarid Dilbazi Poeziya Məclisinin təşəbbüsü və təşkilatçılığı ilə əmək qəhrəmanı Tərlan Musayevanın 70 illik yubiley münasibəti ilə tədbir keçiriləcək. Tədbirdə yazıçı Vaqif Osmanlının Tərlan Musayevanın ömür yoluna həsr etdiyi “Ulu Öndərin “canlı əsəri” Tərlan” kitabının təqdimatı olacaq. Kitabın redaktoru Güllü Eldar Tomarlıdı, ön söz müəllifdi.
Hər kəs dəvətlidir.
Vətənimizin qüdrətlənməsi, xalqımızın rifah yüksəlməsi naminə çalışan əmək qəhrəmanlarına Ümummilli Liderimizin diqqəti, qaygısı onun bütün rəhbərliyi dövründə ən yüksək səviyyədə olub. Hələ 20 yaşında “ağ qızıl” tarlalarında vicdanlı, dönməz əməyi ilə xariqələr yaradan, Bəsti Bağırovanın, Sevil Qazıyevanın şərəfli yolunun layiqli davamçısı, Ulu Öndərin çörəyi ilə böyüyən, halal əməyi ilə zirvələr fəth edən, şan-şöhrət sahibi olan, on il SSRİ Ali Sovetinin, həmçinin müstəqil Azərbaycanın birinci çağırış Milli Məclisinin millət vəkili, Heydər Əliyevin “canlı əsəri”, “Qırmızı Əmək Bayrağı”, “Xalqlar Dostluğu” ordenli Tərlan Musayevanın 2025-ci ilin yanvar ayında 70 illik yubileyidir.
Araşdırmaçı yazar, publisist, ədəbi təhlilçi Vaqif Osmanlının yubiley münasibəti ilə yazdığı “Ulu Öndərin “canlı əsəri” Tərlan” kitabı tariximizə yeni yanaşma, Tərlan Musayevanın ömür və əmək yoluna, ictimai-siyasi fəaliyyətinə bir baxış bucağıdır.
Ünvan: Səbail rayonu, Gəncliyə Yardım Fondu, Cəfərov qardaşları küçəsi, 16
Əlaqə nömrəsi: 0516225113
