Ötən gün sosial mediada Azərbaycan Dövlət Mədəniyyət və İncəsənət Universitetinin (ADMİU) tabeliyində fəaliyyət göstərən Bakı Humanitar Kollecinin direktoru Nərmin Qaralovaya aid olunan səs yazısı yayılıb.
Bununla bağlı məsələ universitet rəhbərliyi tərəfindən araşdırılıb və kollec direktorundan izahat alınıb. Müəyyən olunub ki, qeyd olunan səs yazısı kollecin məsafədən təşkil olunan imtahanlarından biri zamanı yazılıb və burada kontekstdən çıxarılıb.
Bununla belə, kollec direktoru onlayn imtahan zamanı işlətdiyi ifadəyə görə üzr istəyib. Kollec direktoru ilə bağlı inzibati tənbeh tədbiri görülüb.
Müstəqil.Az
