“Zəngəzur dəhlizi istiqamətində infrastruktur işləri tam sürətlə davam edir”.
“Report”un Zəngilana ezam olunmuş müxbiri xəbər verir ki, bunu Azərbaycan Prezidentinin Cəbrayıl, Qubadlı və Zəngilan rayonları üzrə xüsusi nümayəndəsi Vahid Hacıyev bu gün Zəngilan şəhərində keçirilən II Azərbaycan Milli Şəhərsalma Forumunda deyib.
Onun sözlərinə görə, Zəngəzur dəhlizinin açılması Şərqlə Qərbin arasındakı məsafəni qısaldacaq.
V.Hacıyev vurğulayıb ki, tarixən İpək yolu üzərində yerləşən Azərbaycan, heç şübhəsiz, məhz iqtisadi münasibətlər baxımdan Mərkəzi Asiya, Avropa və Cənubi Qafqaz arasında mühüm rol oynayıb:
“Daimi sülhün yolu beynəlxalq əlaqələr hesabınadır”.
