Xaçmaz rayonunun Çarxı kəndində 4 nəfərin xəsarət alması ilə nəticələnən yol-nəqliyyat hadisəsi baş verib.
“Report”un məlumatına görə, “Mercedes” markalı avtomobil idarəetmədən çıxaraq, yolun kənarına aşıb.
Hadisə nəticəsində Xaçmaz rayon sakinləri – 1999-cu il təvəllüdlü Rəhman Qüvvət oğlu Zeynalov, 1998-ci il təvəllüdlü Şəhanə Qüvvət qızı Zeynalova, 1990-cı il təvəllüdlü Sevinc Asif qızı Əliyeva və 2000-ci il təvəllüdlü Gülbala Tofiq oğlu Mərdanov müxtəlif dərəcəli xəsarətlər alıblar.
Yaralılar xəstəxanaya aparılıblar.
Faktla bağlı araşdırma aparılır.
