Ümumilli Lider Heydər Əliyevin Naxçıvan MR Ali Məclisinin sədri seçilməsi dövlətimizin müstəqillik yollunun əsasını qoyub
Ulu Öndər Heydər Əliyevin ömürünün əsas hissəsi siyasətdə keçib. Müasir dünyada bu sahənin ən tanınmış nümayəndəsi kimi qəbul olunan ümummilli lider əsas ömrünü dövlət və dövlətçiliyi həsr etmişdir. Dahi rəhbərin böyüklüyü onda idi ki, yaşadığı dövürdə ictimai-siyasi prosesləri incəliklə, zərgər dəqiqliyi ilə analiz edə bilmişdir. O, Azərbaycanda olanda da, Mokvadakı fəaliyyəti dövründə də öz milli əqidəsini qoruyub saxlamış və bununla müasirlərinə nümunə olmuşdur. Moskvadan Azərbaycana qayıdarkən ölkədə hərci-mərclik hökm sürürdü. Ümummili liderin həyatında böyük siyasətə qayıdış dövrü olaraq dəyərləndirilən bu günlər ölkəmizdə ən qorxulu və təhlükəli günləri idi. Azərbaycanın dövlətçilik tarixində misilsiz xidmətlər göstərmiş, ideyaları, zəkası, biliyi, idarəçilik təcrübəsi ilə bu günümüzə, sabahımıza bələdçilik edən ümummilli liderimiz Heydər Əliyevin siyasi fəaliyyətində 1990-1993-cü illər mühüm yer tutur. Həmin dövr Ulu Öndər Heydər Əliyevin siyasi irsinin Naxçıvan dövrü kimi adlandırıla bilər. Məhz həmin illər onun böyük siyasətə, hakimiyyətə qayıdış dövrü oldu. Bu qayıdış bütün Azərbaycanın həyatını dəyişdi. Heydər Əliyevin qayıdışı ilə öncə Naxçıvanın, sonra isə ümumi Azərbaycanın ilə işıqlı gələcəyinə yol açıldı.
O, hər zaman idarəçi olmuşdur. Naxçıvanda da müstəqil dövlətçiliyin əsaslarına xas olan fəaliyyət göstərmişdir. Ulu Öndər Heydər Əliyevin sədrliyi ilə işə başlamış Naxçıvan parlamenti müstəqillik trariximizdə bir sıra əhəhiyyətli qərarların verilməsi ilə yadda qalıb. Naxçıvan parlamentinin yeni tərkibdə 1990-cı il noyabrın 17-də keçirilən ilk sessiyası deputatların istəyi və böyük təkidi nəticəsində Ulu Öndər Heydər Əliyevin sədrliyi ilə işinə başlamışdı. Milli dövlətçiliyə yeni nəfəs vermiş Naxçıvan parlamentinin ilk sessiyasında gündəliyə çıxarılan məsələlər və qəbul edilən tarixi qərarlar, ümumilikdə, Azərbaycanın müstəqilliyinə və suverenliyinə hesablanmışdır. Həmin zaman verilən qərarlar sonradan ümumirespublika əhəmiyyəti daşımışdır. Bununların da təşəbbüsü məhz Heydər Əliyev ölkə prezidenti seçildikdən sonra verilmişdir.
Ulu Öndər Heydər Əliyev hər zaman milli dövlətçilik ənənələrinin qorunmasına xidmət edən fəaliyyət göstərmişdir. Fenomen şəxsiyyət Naxçıvanda milli qurtuluşun, milli dövlətçilik quruculuğunun təməllərini özünün zəngin təcrübəsinə və Naxçıvanda daim yaşadılan qədim Azərbaycan dövlətçilik ənənələrinə əsaslanaraq atıb. Bu ona görədir ki, ümummili lider məhz bu torpaqlarda böyüyüb boya-başa çatmışdır. Tarixi vətəninin adət-ənələrini çox gözəl bilən ulu öndər öz fəaliyyəti dövründə bütün naxçıvanlıların etimadını qazanmışdır. Artıq Bakıda Naxçıvanda baş verənlər, dirçəliş hiss olunurdu. Dahi rəhbəri Bakıya, ölkə rəhbərliyinə gəlməsi fikirlər səslənirdi…
Naxçıvanlılar öz həmvətənlilərini böyük sevgi ilə qarşılamış və özlərinin siyasi lideri olaraq görürdülər. Ona görə də Naxçıvan MR Ali Məclisinin fövqəladə sessiyası Azərbaycan Respublikası və Naxçıvan MR xalq deputatı Heydər Əliyevi yekdilliklə sədr seçmişdir. Ulu Öndər Heydər Əliyevin lehinə yekdilliklə verilmiş səs bir daha ona Naxçıvanda nə dərəcədə ehtiyacın olunduğunu göstərir. Bu, onun müstəqil Azərbaycan tarixində fəaliyyəti dövründə ilk siyasi qələbəsi hesab olunur. Hakimiyyətin nəzəri və praktiki əsaslarını dərindən bilən ulu öndər üçün ən önəmli məqam xalqa sədaqətin göstərilməsidir. O, bu məsələni həm sovet dönəmində, həm də müstəqillik illərində diqqətdə saxlamışdır. Naxçıvanda olarkən təkcə deputatlar deyil, yerli insanlar da Heydər Əliyevin Naxçıvan Muxtar Respublikası Ali Məclisinə sədr seçilməsini istəmişdir. Buna görə də 1991-ci il sentyabrın 3-də Naxçıvan Muxtar Respublikası Ali Məclisində keçirilən fövqəladə sessiyada deputatların və iclas zalının qarşısına toplaşan minlərlə insanın təkidi ilə Ulu Öndərin Ali Məclisin sədri seçilməsi Azərbaycanın müstəqillik yollunun əsasını qoyub. Bu baxımdan həmin günün müstəqillik tariximizdə xüsusi əhəmiyyəti var. Çünki görkəmli dövlət xadiminin bu vəzifəyə seçilməsi ümumi dövlətimizin gələcək inkişafı üçün yeni perspektivlər açmışdır.
Ulu Öndər Heydər Əliyev Naxçıvan Muxtar Respublikasının Ali Məclisinin sədri seçilməsi ilə əlaqədar demişdir:“Bu zamanın, bu dəqiqələrin, bu saatın hökmünü nəzərə almaya bilməzdim… Xalqın bu əhval-ruhiyyəsini, tələblərini nəzərə alaraq bütün məsələləri götür-qoy etdim. Mən öz taleyimi xalqa tapşırmışam və xalqın iradəsini, yəqin ki, indi bu müddətdə, bu çətin dövrdə yerinə yetirməliyəm”. Bu fikirlərdən ulu öndərin xalqı nə dərcədə düşünməsini, həyatının xalqa bağlı olmasını görmək olur. Eyni zamandan dövlətin, xaqlın taleyini öz həyatından üstün tutduğu da bu fikirlərdə özünü büruzə verir. Həmin zamanın nə qədər çətinliyini bu fikirlərdən açıq-aydın hiss olunur. Ümumilli lider çox çətin günlərdə qərar verərək ağır bir məsuliyyətin altına girmişdir. Bununla bir xalqın məsuliyyətini üzərinə götürmüşdür.
Hər bir dövlətin əsas atributlarından biri də bayrağıdır. Buna görə də o zaman ən önəmli qərar üçrəngli və ay-ulduzlu Dövlət bayrağının təsdiqi olmuşdur. Azərbaycan Xalq Cümhuriyyətinin üçrəngli Dövlət bayrağı Naxçıvan Muxtar Respublikası Ali Məclisinin 1990-cı il noyabrın 17-də keçirilən sessiyasında Ümummilli Lider Heydər Əliyevin təşəbbüsü Naxçıvan Muxtar Respublikasının Dövlət bayrağı olaraq təsdiq edilmişdir. Bu gün hər birimiz dövlət bayrağımızla fəxr edirik. Məhz ümummilli liderin təşəbbüsü ilə təsdiq olunmuş bayrağı artıq müstəqil Azərbaycanın Dövlət bayrağı olaraq dünya azəbaycanlılarının milli qürur mənbəyinə çevrilib.
K.Y.Fərəcova adına Elmi-Tədqiqat Pediatriya İnstitutunun PHŞ-nin Uşaq Bərpa Mərkəzinin Təsərrüfat bölmə müdiri Ağayev Nəbi Baba oğlu
