Noyabrın 6-dan Xerson vilayətinin Kaxovka rayonunda məcburi təxliyə başlanacaq.
“Qafqazinfo” xəbər verir ki, bu barədə məlumat Kaxovka rayon administrasiyasının teleqram kanalında yayılıb.
Belə ki, hərbi təhlükənin yüksək olması ilə əlaqədar rayon rəhbərliyi sakinləri özləri ilə sənədlər, pul, qiymətli əşyalar və isti paltar götürərək dərhal yaşayış məntəqələrini tərk etməyə çağırıb.
“Dərhal qəsəbəni tərk edin. Həyatınız təhlükədədir. Böyük hərbi təhlükə gözlənilir”, – deyə məlumatda bildirilir.
