Fransa xarici işlər naziri Stefan Sejurne Ukraynada 2 Fransa vətəndaşının həlak olduğunu təsdiqləyib.
xəbər verir ki, bu barədə Fransa xarici işlər naziri “X” hesabında paylaşım edib.
“Rusiya vəhşiliyi Ukraynada mülki insanları hədəfə alır. İki fransalı Ukrayna xalqına humanitar yardımla bağlı sadiqliyin əvəzini canları ilə ödədi. Fikirlərim onların doğmalarının yanındadır, Fransa onların yanındadır. Rusiya törətdiyi cinayətlərə görə cavab verməli olacaq”, – Stefan Sejurne bildirib.
Fransa XİN rəhbəri üç nəfərin yaralandığını qeyd edib.
Xatırladaq ki, fevralın 1-də Xerson vilayətinin qubernatoru Aleksandr Prokudin “Telegram” hesabında bildirib ki, Rusiya qüvvələrinin Berislava endirdiyi zərbə nəticəsində əcnəbi könüllülər ölüb və yaralanıb.
Ukrayna milli polisi bildirib ki, pilotsuz uçuş aparatının hücumu nəticəsində Fransa vətəndaşı olan iki nəfər ölüb
Qeyd edək ki, cəbhə xəttinə yaxın Dnepr çayı sahilindəki Berislav müntəzəm olaraq Rusiya pilotsuz uçuş aparatlarının və artilleriyasının zərbələrinə məruz qalır.
