Cənab Generala
Yağan yağışlara baxma, General,
oğlu əsgər olan belə ağlayır.
Vətən anamızdır, analar hər gün,
nigaran qəlbiylə belə ağrıyır.
Düşən mərmiləri sayma, General,
bu xalqın qalxanı qürurundandır.
Gördüyün bu yumruq, zindan kimi əl,
aldığı gücündən, Ordusundandır!
Düşmən səngərində durma, General,
nə olsun, dərədə duman sürünür ?
Əlin göz üstündə, uzaqlara bax. ..
Gör, hələ haracan Vətən görünür?!
Aida Adıgözəl
05.10.2020
