Bu gün “Yeni Müsavat” qəzetinin ad günüdür.
“Qafqazinfo” xəbər verir ki, Azərbaycanda müasir dövrün ən uzunömürlü qəzetlərindən olan “Yeni Müsavat”ın ilk sayının çap edilməsindən 33 il ötür.
Qəzet 7 noyabr 1989-cu ildə Azərbaycan Milli Demokrat Yeni Müsavat Partiyasının mətbu orqanı kimi yaradılıb. Qəzetin ilk sayı 1989-cu ilin noyabrın 10-u çap olunub. Həmin ilin noyabrından 1991-ci ilin sentyabrınadək “samizdat” üsulu ilə “Yeni Müsavat”ın 17 nömrəsi çıxıb. O dövr ərzində “Yeni Müsavat” gizli və qeyri-formal nəşr olunub. 1993-cü ilin martından qəzetin təsisçisi Müsavat Partiyasının başqanı İsa Qəmbər olsa da, sonradan – 2009-cu ilin noyabrında təsisçiliyi Rauf Arifoğluna təhvil verib.
Həmkarlarımızı təbrik edir, yeni yaradıcılıq uğurları arzulayırıq!
