Gürcüstanın Rustavi şəhərinin yeni meri İrakli Tabağua ilk iş gününə şəhərdə təmizlik işləri görməklə başlayıb. Müstəqil.az APA-ya istinadən xəbər verir ki, İ. Tabağua səhər saatlarında Rustavi şəhərinin bir neçə yaşayış binasının həyətlərinin süpürülməsində iştirak edib.
Sakinlərlə söhbət edən mer qeyd edib ki, onun üçün əsas prioritet Rustavi və rustavililərin qayğısına qalmaq olacaq.
Xatırladaq ki, İ. Tabağua oktyabrın 21-də yerli idarəetmə orqanlarına keçirilmiş seçkilərdə 53,05 faiz səslə qalib gəlib.
Müstəqil.Az
